O‘tkazilish davri: 2025-yil 10-fevraldan 10-aprelgacha (shu jumladan).

Hududiy qamrov: O‘zbekiston Respublikasining barcha hududlari.

Ishtirok etish shartlari:

• Aksiyada ishtirok etish uchun yangi abonent aksiya davomida jismoniy shaxslar uchun istalgan tarif rejasiga ulanishi kerak («Mobiuz 8 yil», «Tourist SIM» tarif rejalaridan tashqari);

• Aksiyada ishtirok etish uchun amaldagi abonent mobil ilova orqali istalgan oylik internet-paketni ulashi kerak. 

AKSIYA ISHTIROKCHILARIGA QO‘YILADIGAN TALABLAR

Aksiyada ishtirok etish huquqi quyidagi talablarga javob beradigan abonentlar - jismoniy shaxslarga beriladi:

• Abonent O‘zbekiston Respublikasi fuqarosi hisoblanadi;

• Abonent 18 yoshga to‘lgan;

• Abonent - oldindan to‘lov tizimiga ega bo‘lgan jismoniy shaxslar uchun tariflardan foydalanuvchi ("Mobiuz 8 yil", "Tourist SIM" TR lardan tashqari);

• Abonent shartnomasi aksiya o'tkazilish davrida va g‘oliblarni aniqlash paytida amalda bo‘lishi kerak.

Aksiyada ishtirok eta olmaydigan va sovrin olish huquqiga ega bo‘lmagan shaxslar:

• O‘zbekiston Respublikasi fuqarosi bo‘lmagan jismoniy shaxslar;

• 18 yoshga to‘lmagan jismoniy shaxslar;

• Aksiya davrida "UMS" MChJ bilan mehnat munosabatlarida bo‘lgan jismoniy shaxslar, xodimlar, shuningdek ularning yaqin qarindoshlari (ota-onalar, tug‘ishgan va o‘gay aka-uka hamda opa-singillar, turmush o‘rtog‘i, farzandlar, shu jumladan farzandlikka olinganlar, shuningdek turmush o‘rtog‘ining ota-onasi, tug‘ishgan va o‘gay aka-uka hamda opa-singillari);

• "UMS" MChJ bilan FHSH tuzgan jismoniy shaxslar hamda ularning yaqin qarindoshlari;

• "UMS" MChJning vakolatli dilerlari, ularning xodimlari (dilerlar, dilerlarning ishonchli vakillari, operatorlar);

• Abonentlar – yuridik shaxslar.

Qo‘shimcha:

• Yangi ulanish uchun abonentga sovrinlar o‘yinida ishtirok etish uchun bitta imkoniyat beriladi;

• Oylik internet to‘plamini mobil ilova orqali ulash uchun abonentga bitta imkoniyat beriladi;

• Mobil ilovada ulangan har bir oylik internet-to‘plam uchun +1 imkoniyat beriladi. Ko‘proq to‘plamlar - ko‘proq imkoniyatlar;

• Imkoniyat faqat oylik internet-to‘plam mobil ilova orqali ulangan taqdirda beriladi;

• Aksiya doirasida tarmoqqa ulanish uchun berilgan imkoniyat abonentda aksiya davomida tarif rejasini (aksiyada ishtirok etayotgan tarifga) o‘zgartirganda ham saqlanib qoladi;

• Aksiya davomida tarif reja aksiyada ishtirok etmaydigan tarifga o‘zgartirilsa, imkoniyat bekor qilinadi va tiklanmaydi;

• Abonent shartnomasi bekor qilganda, olingan imkoniyatlar ham bekor qilinadi;

• Raqam qayta rasmiylashtirilgan yoki tiklangan taqdirda, olingan imkoniyatlar bekor qilinadi;

• Abonent mavjud imkoniyatlarini USSD *10# orqali tekshirishi mumkin;

• G‘oliblarni aniqlashdan bir kun oldin har bir imkoniyatga sovrinlar o‘yinida ishtirok etish uchun noyob ID-kod beriladi, uni USSD *10# orqali tekshirish mumkin bo‘ladi.

• ID-kodni ko‘rish imkoniyati o‘yindan bir kun oldin va o‘yin o‘tkazilgandan keyin 15 kun davomida mavjud bo‘ladi;

• ID-kod – bu 6 ta raqamdan iborat noyob son;

• ID-kodlar 000001 raqamidan boshlab ketma-ketlik bilan tayinlanadi;

• Sovrinlar o‘yini aksiya tugaganidan keyin 10 kun ichida o‘tkaziladi. 

Sovrin jamg‘armasi va g‘oliblarni aniqlash

 Pul mukofotlari G‘oliblarga naqdsiz shaklda, pul mablag‘larini G‘olibning bank hisob raqamiga o‘tkazish yo‘li bilan to‘lanadi, bunda to‘lov amalga oshirilgan vaqtda amalda bo‘lgan O‘zbekiston Respublikasi qonunchiligiga muvofiq soliqlar ushlab qolinadi.

G‘OLIBLARNI ANIQLASH

G‘oliblarni aniqlash jarayoni o‘tkazilishi:

• Aksiya muddati tugagandan keyin 10 kun mobaynida;

• Aksiya shartlarini bajargan ishtirokchilarning barcha ID kodlari o‘rtasida onlayn tasodifiy sonlar generatori yordamida;

• Kompaniyaning ijtimoiy tarmoqlardagi rasmiy sahifalarida, jonli efirda;

• G‘oliblarni aniqlash sanasi, vaqti va joyi Kompaniya tomonidan o‘zgartirilishi mumkin. Sovrin topshirish tadbiri joyi, sanasi va vaqti haqidagi ma’lumot Aksiya ishtirokchilariga qo‘shimcha ravishda veb-saytda va ijtimoiy tarmoqlarda e’lon qilish va/yoki SMS-xabar yuborish orqali yetkaziladi;
  

• Har bir noyob ID mukofotlar o‘yinida qayta ishtirok eta olmaydi (agar ID bir marta g‘olib bo‘lsa, u boshqa mukofotga da’vo qila olmaydi);

• Agar abonent raqamiga bir nechta noyob ID biriktirilgan bo‘lsa, abonent turli ID-lar bilan bir necha marta g‘olib bo‘lishi mumkin;

• Aksiya g‘oliblarini aniqlash jarayonini Mustaqil komissiya nazorat qiladi;

• Kompaniya g‘olib aniqlangan kundan boshlab 5 (besh) ish kuni mobaynida Aksiya g‘olibi bo‘lgan abonentni xabardor qiladi;

• Sovrinlar tegishli hujjatlar rasmiylashtirilgandan keyin topshiriladi. 

SOVRINNI OLISH TARTIBI, MUDDATI, JOYI VA SHARTLARI

1. Aksiya g‘olibi, uning natijalari e’lon qilingan kundan boshlab 10 kalendar kun ichida, sovrinni rasmiylashtirish uchun zarur barcha hujjatlarni (7-bandga qarang) taqdim etishi shart.

2. Kompaniya sovrin hujjatlari rasmiylashtirilgan kundan boshlab 30 kalendar kun ichida aksiya G‘olibiga sovrinni topshirishni ta’minlaydi.

3. Sovrinni olish huquqiga faqat abonent raqami rasmiylashtirilgan va g‘olib ID-kodiga ega bo‘lgan aksiya g‘olibi – jismoniy shaxs da’vo qila oladi.

4. Pul sovrinlari g‘oliblarga naqdsiz shaklda, pul mablag‘larini g‘olibning bank hisob raqamiga o‘tkazish yo‘li bilan to‘lanadi, bunda to‘lov amalga oshirilgan vaqtda amalda bo‘lgan O‘zbekiston Respublikasi qonunchiligiga muvofiq soliqlar ushlab qolinadi.

5. "UMS" MChJ aksiyaning sovrin jamg‘armasida nazarda tutilmagan soliqlar va yig‘imlarni o‘z mablag‘lari hisobidan to‘lash majburiyatini olmaydi. Jismoniy shaxslarning daromad solig‘i yutuq summasidan O‘zbekiston Respublikasining to‘lov amalga oshirilgan paytdagi amaldagi qonunchiligiga muvofiq ushlab qolinadi.

6. G‘oliblar sovrinlarini olish uchun "UMS" MChJning shaxsiy ofislariga murojaat qilishlari mumkin. Agar g‘olib belgilangan muddatlarda (1-bandga qarang) Toshkent shahridagi "UMS" MChJ ofislariga sovrinni olish maqsadida murojaat qilmasa, "UMS" MChJ sovrinni topshirishdan bosh tortish huquqiga ega. Bunday holatda Kompaniya sovrinni qayta o‘ynash huquqini o‘zida saqlab qoladi.

7. Sovrinni olishdan oldin g‘olib shaxsan "UMS" MChJning shaxsiy ofisiga murojaat qilishi va quyidagilarni taqdim etishi kerak:

• O‘zbekiston Respublikasi fuqarosining pasportining asl nusxasi;

• STIR (Soliq to‘lovchining identifikatsion raqami);

• G‘olib tomonidan imzolangan tilxat – unda g‘olibning bank rekvizitlari ko‘rsatilgan bo‘lishi, pul sovrinning g‘olibning bank hisob raqamiga o‘tkazilishiga rozilik bildirilganligi hamda JShDS (jismoniy shaxslardan daromad solig‘i) ushlab qolinishiga rozilik berilganligi aks etishi kerak, shuningdek, kompaniya xodimlari bilan qarindoshlik aloqalarining yo‘qligi va foto hamda video tasvirga olinishi bo‘yicha rozilik bildirilgan bo‘lishi lozim;
• Abonent (Aksiya G‘olibi) va "UMS" MChJ o‘rtasidagi abonentlik shartnomasi.

8. Agar da’vogar (Aksiya g‘olibi)ning "UMS" MChJ bilan mehnat munosabatlarida bo‘lgan shaxslar yoki "UMS" MChJ bilan fuqarolik-huquqiy shartnoma (FHSH) tuzgan shaxslar bilan qarindoshlik aloqasi aniqlansa yoki noto‘g‘ri ma’lumot taqdim etilgani aniqlansa, sovrin topshirilmaydi.

9. Agar da’vogar sovrin topshirilgandan so‘ng noto‘g‘ri ma’lumot taqdim etgani aniqlansa, Kompaniya sovrin qiymatini sud tartibida undirish huquqini o‘zida saqlab qoladi.

10. Kompaniya quyidagi holatlarda g‘olibning aksiya natijalarini bekor qilish huquqini o‘zida saqlab qoladi:

• G‘olibning aksiya ishtirok etish shartlariga mos kelmasligi aniqlangan taqdirda;

• 7-bandda ko‘rsatilgan zarur hujjatlarni belgilangan muddatda taqdim etmaslik yoki topshirishdan bosh tortish;

• 7-bandda ko‘rsatilgan hujjatlarda g‘olib tomonidan noto‘g‘ri ma’lumot taqdim etilganligi aniqlangan taqdirda;

11. Agar aksiya natijalari bekor qilinsa, Kompaniya mukofotni qayta o‘ynash huquqini o‘zida saqlab qoladi.

12. Sovrinni rasmiylashtirish/olish jarayonida G‘olib barcha zarur hujjatlarni (sovrinni rasmiylashtirish/olish jarayoni bilan bog‘liq) imzolashi shart, bunda Abonentning shaxsiy ma’lumotlari va Sovrin haqida to‘liq ma’lumot ko‘rsatiladi.

Aksiya g‘olibining zarur hujjatlarni imzolashdan va/yoki boshqa huquqiy ahamiyatga ega harakatlarni, jumladan, talab qilingan hujjatlarni taqdim etishdan bosh tortishi, g‘olibning sovrinni olishdan voz kechishi sifatida baholanadi.

13. Pul sovrinini rasmiylashtirish/olish jarayonida G‘olib sovrinni olish jarayoni foto va video tasvirga olinishi hamda ushbu materiallarning kompaniyaning rasmiy sahifalarida foydalanilishi va e’lon qilinishiga rozilik beradi.

14. "UMS" MChJ pul mablag‘lari va sovrinlarni naqd pul shaklida to‘lash majburiyatini o‘z zimmasiga olmaydi.
15. Aksiya G‘oliblari har qanday sabablarga ko‘ra sovrinni olishni talab qilmagan yoki rad etgan taqdirda, Kompaniya talab qilinmagan sovrinlarni takroran o‘ynash huquqini o‘zida saqlab qoladi.
16. "UMS" MChJ G‘olib tomonidan ushbu Qoidalarning barcha talablari va shartlari bajarilmagan taqdirda G‘olibga sovrin berishni rad etish huquqini o‘zida saqlab qoladi.

17. "UMS" MChJ quyidagi holatlar uchun javobgarlikni o‘z zimmasiga olmaydi:

• www.mobi.uz saytida joylashtirilgan g‘olibning yutuqli ID ma’lumotlari bilan tanishish imkoniyati yo‘qligi;

• qo‘ng‘iroq va/yoki SMS yuborish paytida g‘olibning sovrin ID kodi biriktirilgan abonent raqamining bloklangan holati uchun;

• ishtirokchilarning aybi bilan yoki boshqa sabablarga ko‘ra, Sovrinlarni olish uchun zarur bo‘lgan ma’lumotlar/hujjatlarni olmaslik/o‘z vaqtida olmaslik;

• Aksiya ishtirokchilari tomonidan Sovrinlarni olish qoidalarida nazarda tutilgan majburiyatlarning bajarilmaganligi (o‘z vaqtida bajarilmaganligi);

• G‘oliblarning sovrinlarini talab qilmaganligi yoki ulardan voz kechganligi sababli sovrinlarni olmaganliklari uchun javobgarlik;

• Uchinchi shaxslarning aybi va/yoki fors-major holatlari sababli g‘oliblarga sovrinlarni topshirish bo‘yicha o‘z majburiyatlarini bajara olmaslik uchun javobgarlik.

IZOHLAR

1. Aksiyada ishtirok etish va o‘zining shaxsiy va aloqa ma’lumotlarini taqdim etish orqali Ishtirokchi Kompaniyaga Ishtirokchining shaxsiy aloqa manzillariga (uning abonent raqamiga), shu jumladan ijtimoiy xarakterdagi reklama tarqatma saytlariga, har qanday man etilmagan shaklda - qo‘ng‘iroqlar, fotosuratlar, videolar, matnli xabarlar, ishtirokchilarning qo‘shimcha roziligini olmasdan va buning uchun unga hech qanday to‘lov to‘lamasdan yuborish huquqi va roziligini (ruxsatnomasini) beradi.

2. Aksiya ishtirokchilari Aksiyada ishtirok etish va sovrinlarni olish bilan bog‘liq barcha harakatlarni ushbu hujjatda belgilangan muddatlarda bajarishlari shart.

3. "UMS" MChJ aksiyaning g‘oliblarini – sovrin jamg‘armasi egalari sifatida aniqlash va ularga ushbu Qoidalarga muvofiq belgilangan shartlar va muddatlarda sovrinlarni topshirish majburiyatini oladi.

4. "UMS" MChJ Aksiya ishtirokchisi haqidagi axborotni uchinchi shaxslarga taqdim etishga haqli emas, ushbu Qoidalar va O‘zbekiston Respublikasining amaldagi qonun hujjatlarida nazarda tutilgan holatlar bundan mustasno.

5. "UMS" MChJ ushbu Hujjatda ko‘rsatilgan holatlar yoki O‘zbekiston Respublikasining amaldagi qonunchiligi talablari asosida nazarda tutilgan holatlardan tashqari, aksiya ishtirokchilari bilan yozma muzokaralar olib borish yoki boshqa shaklda bog‘lanmaslik huquqini o‘zida saqlab qoladi.

6. Aksiyada ishtirok etish orqali ishtirokchi Aksiya ta’riflari, muddatlari, shartlari va izohlari, shuningdek, sovrinlarni olish tartibi bilan to‘liq tanishganligini va ularga roziligini tasdiqlaydi.

7. "UMS" MChJ Aksiya qoidalariga o‘zgartirish va qo‘shimchalar kiritish huquqini o‘zida saqlab qoladi. Aksiya shartlari o‘zgargan taqdirda, "UMS" MChJ tegishli ma’lumotlarni mobi.uz rasmiy veb-saytiga joylashtirish majburiyatini oladi.

8. Aksiya to‘xtatilgan taqdirda, "UMS" MChJ bu haqda tegishli xabarni rasmiy veb-sayt mobi.uz da e’lon qilish majburiyatini oladi.