Sizda qanday muammo bor?
Virtual qabulxona
Murakkab savollar, shikoyatlar va aloqa-markazi orqali hal qilib bo‘lmagan holatlar uchun mos.
- Xizmat ko‘rsatish bo‘yicha shikoyatlar;
- Takroriy murojaatlar;
- Tizimli muammolar va takliflar;
- Tayanch stansiyasini o‘rnatish va demontaj qilish;
- Ishga joylashish;
- Aloqa va internet sifati;
- Dilerlik hamkorligi;
- Umumiy savollar.
Aloqa-markazi
Tariflar, xizmatlar va balans bo‘yicha tezkor savollar uchun.
- Hisobdan yechimlar va balans;
- Tarif rejalari;
- Xizmatlarni ulash.
Ko‘p beriladigan savollar
Siz Respublikaning istalgan nuqtasida 24/7 aloqada bo‘lishingiz uchun barcha choralarni ko‘ramiz. Xizmatlar sifati — bizning asosiy ustuvor yo‘nalishimiz, shu sababli biz tarmoqni nafaqat qo‘llab-quvvatlaymiz, balki uni doimiy ravishda rivojlantirib boramiz: yangi tayanch stansiyalarini quramiz, qamrov hududini kengaytiramiz va uskunalarni yangilaymiz.
Bizning aloqa xizmatlarimiz O‘zbekiston Davlat standartlariga mos keladi. Biz har kuni xizmatlardan uzluksiz foydalanish imkoniyatini ta’minlaymiz. Agar texnik ishlar olib borilsa, bu faqat tarmoqni yanada tezroq va ishonchli qilish maqsadida amalga oshiriladi.
Agar sizda aloqa bilan bog‘liq muammolar yuzaga kelsa, biz har doim yordam berishga tayyormiz. 0890 / +99897 1300909 raqamlari orqali Kontakt markaziga yoki Bosh direktorning virtual qabulxonasi orqali murojaat qoldiring. Mutaxassislarimiz siz bilan bog‘lanadi va zarurat bo‘lsa, signal sifatini batafsil tekshirish uchun joyiga chiqadi.
Bizning maqsadimiz — sizni sutka davomida sifatli internet va barqaror signal bilan ta’minlashdir.
Ulash bir nechta usulda amalga oshiriladi:
- Sizning tashabbusingiz bilan USSD-buyruqlar, SMS-so‘rovlar yoki operatorning mobil ilovasi orqali.
- Internetdagi havolalarga o‘tib, telefon raqamingizni kiritish va tasdiqlovchi kodni kiritish orqali interaktiv kanallarga veb-obunalar hamda hamkor servislar orqali.
O‘zbekistonda mobil operatorlarga sizning aniq va tasdiqlangan roziligingizsiz har qanday pullik xizmatlarni ulash taqiqlangan. Raqamingizga ulangan kontent xizmatlarni o‘chirish uchun telefoningizda *190# kodini tering.
Shuningdek, 0890 / +99897 1300909 raqamlari orqali Kontakt markaziga yoki Bosh direktorning virtual qabulxonasiga murojaat qilishingiz mumkin. Mutaxassis sizga ulangan xizmatlar haqida ma’lumot beradi va sizning talabingizga ko‘ra ularni o‘chiradi.
Tarifni tez va mustaqil ravishda o‘zgartirish mumkin:
- Mobiuz mobil ilovasi orqali (eng qulay usul);
- Tanlangan tarif rejasi uchun USSD-kodni terish orqali;
- USSD-menyu orqali: *111# ni tering va ko‘rsatmalarga amal qiling.
Muhim ma’lumotlar:
Boshqa tarif rejasiga o‘tish bepul, biroq balansda yangi tarif rejasi bo‘yicha abonent to‘lovi yechilishi uchun yetarli mablag‘ bo‘lishi kerak. (yangi Qoidalar aprel oyining oxirida kuchga kirgandan so‘ng dolzarb bo‘ladi).
Tarif o‘zgartirilganda oldingi tarif rejasidagi foydalanilmagan megabaytlar va daqiqalar bekor qilinadi. Agar siz joriy tarifingizni hisobdan yechish sanasini kutmasdan yangilamoqchi bo‘lsangiz, «Restart» xizmatidan foydalaning: *1#.
Maxsus shartlar:
Imtiyozli yoki maxsus tarif rejalarini ulash uchun raqam egasining shaxsini tasdiqlovchi hujjat bilan shaxsan ishtiroki va zarurat bo‘lsa tasdiqlovchi hujjatlar talab etiladi (iltimos, ofisga tashrif buyurishdan oldin Kompaniya saytida shartlar bilan tanishing).
«UMS» MChJ xizmatlar narxini mustaqil ravishda belgilaydi, bu Xizmatlar ko‘rsatish to‘g‘risidagi kelishuvning 7.1-bandida mustahkamlangan. Bu Kompaniyaga tarif rejalarining shartlarini, to‘plamlar narxini va hisob-kitob tartibini belgilash huquqini beradi. Narxlarni shakllantirishda biz 2022-yil 18-martdagi 3354-sonli Tariflarni shakllantirish va tartibga solish to‘g‘risidagi nizomga amal qilamiz, unga ko‘ra tariflar aloqa xizmatlarini ko‘rsatish xarajatlarini qoplashi va bozorni rivojlantirish, xizmatlar ro‘yxatini kengaytirish hamda ularning sifatini oshirish uchun foyda ta’minlashi lozim.
Oddiy qilib aytganda, amaldagi narxlar bizga yangi texnologiyalarga sarmoya kiritish va xizmat ko‘rsatishning yuqori darajasini saqlab turish imkonini beradi. Mobiuzning barcha xizmatlari ommaviy shartnoma asosida taqdim etiladi va biz har doim belgilangan tartibga muvofiq sizga maqbul xizmat ko‘rsatish variantlarini taklif etishga tayyormiz.
Raqamdan foydalanish huquqini boshqa shaxsga o‘tkazish uchun «Raqam egasini o‘zgartirish» xizmatidan foydalaning.
Buning uchun nima kerak:
- Shaxsan ishtirok etish: joriy va yangi egalar birgalikda Mobiuzning shaxsiy ofisiga murojaat qilishlari kerak.
- Hujjatlar: har ikki tomon o‘zi bilan pasport yoki ID-kartaning asl nusxasini olib kelishi zarur.
- Balans: xizmat narxi 25 000 so‘mni tashkil etadi. Ushbu summa protsedura yakunlangandan so‘ng raqam balansidan (yangi egasi hisobidan) yechib olinadi.
Bilish zarur:
Raqam egasini o‘zgartirish ommaviy shartnoma va Kompaniyaning amaldagi tariflariga muvofiq umumiy tartibda amalga oshiriladi. Ofisga tashrif buyurishdan oldin raqamda qarzdorlik mavjud emasligiga ishonch hosil qiling. Jarayonning to‘liq shartlari va ofislar manzillari har doim mobi.uz saytida mavjud.